Ki tre Truck deilang kiwa yah Truck kiwa da mih noh napoh ka MCTODA, ynne ka sngi da chna ki da ka seiñ wa tip kam ka All Meghalaya Truck Owners & Drivers Welfare Association (AMTO&DWA) hapoh i yahkhmat u Wanshwa Nongtdu kam u President wa u Wellstar Warlarpih kam u General Secretary najrong kiwi de kiwa kitkaam wa da jied ha ka yalang kawa da pynman ynne ka sngi ha 7Mer, West Jaiñtia Hills District.
Katkam i ong u General Secretary, ini i rai da mih na kiwa boon walang neibhah wym kwah ki wa kiwa yahkhmat u ieh ki ki hawa emkaam.
Uwa e ktien ka AMTO&DWA uwa man kam MLA/MDC warim, u Robinus Syngkon da ong u wa i thmu wa ka kaam wa hakhmat dooh yong ka Association toh wow yakhun neibynta ka kamai kajih ki Truck wa mantre da ki tre jylla yow yoh u kit ya ki mar na ki karkhana pynmih khyndaw-bilat kiwa em ha ka jylla.
Kawi na ki phang leh toh yow booddien ya ka hukum wa da pynmih da ka Supreme Court wow em ka Layby namo ki thaw sangeh ha rood ki National Highway khnang wow em i chngaaiñ ya ki Truck wa ya kiwi ki kari wa lai wa wan.
Sa kawi won ka phang toh yow yaklam wa waroh kiwa khayi yow kyntu wym toh u leh katwa ngait deiwa e kamai du ya ki bru yong ki, tangwa toh u pyrkhatlang ki neibynta ki tre jylla.
U Wanshwa Nongtdu kam u President da ong u i booh yei kyntien Welfare Association toh yow yaraplang ya ki tre wa kiwa yah Truck hawa maad ki yi eh næ i jia wa sñiawsih la hei lai i wan ki deilang ki kaam wei kamjooh yow kyrchaan neibynta i bha i bianglang ki para wa kamai.
Discussion about this post