Jowai: Ka Police Public Secondary School Jowai ynnin ka 10 tarik da pynkut ko ya ka yalehke Annual School Sports Meet wa ar sngi yong ka ha madan ka Police Reserve.
Kamwa jooh leh kiwi ki skur yow yoh laad ki khynnah puræ u pynyoo yei sap yaleh sports yong ki, ki khynnah puræ chynrang wa kynthai ha kani ka Sports Meet da chimbynta chongchit ki ha ki yalehke waphær waphær kam i yaphet pyllah 100, 200 wa 800 meters wa 1×4 relay race.
Da em leh kiwi kiwi ki yakop kam ka High Jump, Long Jump, Shot put neitæ da em leh ka Dressing Race, Spin Race nei bynta ki khynnah khian.
Kani ka Sports Meet da neh ko ar sngi wei da pynkut ya ka ha ka 10 tarik. Ha ka sngi khaddooh da saam leh ya ki khusnaam cha kiwa jop hei yakop waphær waphær. Yei naam Best House wa Best March Past da yoh da ka Red House, yei naam Best Mass Drill da yoh da ka Blue house, yei naam Best Discipline da yoh da ka Green House.
Na ki khynnah wa wan chimbynta yei naam Best Athlete Under-14 Girls da yoh da ka Happy Mukhim kawa na ka Green House, ha ka Under-12 Boys da yoh da u Shanlang Dkhar naka Red House, haka above 14 Years Girls da yoh da ka Steffi Toi naka Red House, haka above 14 Boys da yoh da u Bishnu Sahu naka Red House, wa u Harmless Sumer na ka Yellow House.
Ya kani ka lehke sport da pynhaap pyrda da u Chairman ka Saliny Colony u N. Lamare deilang wa kiwa kreh ka Fire & Emergency Services.
Discussion about this post