Ha i jia tyrrah kari ynne i janmiet heipor kamwa 6 duna haroh, da em 2 ngut ki bru kiwa da mynsoo joor hadien wa ka thuk-thuk ki da lai tyrrah ko ya kawi ka kari wa wan mar pyrchah.
Ini da jia i ha u sarok wa lai na Lum Shyllong uwa ku na 7 Mer.
Katkam i khana kiwa yoo yeini wa jia, ka thuk-thuk wa em ki ar ngut kiwa chong da mynsoo joor ki kawa em ya u Number AS-28F-7868 kawa da pynhær smat bha hadooh wym ye de u yait wei da lai tyrrah ko ya kawi ka kari Swift wa em Number ML-05M-6072 kawa lai neiliang yong ka hi kawa wan na wah.
Da pyntip ki leh wa kani ka thuk-thuk da jan tyrrah ko leh ya kawi ka Scooty heipor wa chim Pass ka chwa wow tyrrah ko ya ka Swift.
Discussion about this post