Ka Hynñiewtrep Youths’ Council (HYC) da beiñ ko yei pynman ya ka Public Hearing neibynta wow tih moochuni ka Shree Cement Ltd. ha Lum Syrman, Daistong, Elaka Nongkhlieh, East Jaiñtia Hills District.
Ka seiñ da ong ko wa ya ka ka Public Hearing da pynman khlem bood ya ka rukom kawa toh hok tangwa da tyngkheiñ ya ki kyndon ka Environmental Impact Assessment (EIA) Notification, 2006, kawa phah wow e laad ya ki paidbah wow e yumut ki chwa wow e ya ka Environmental Clearance wei ya ka Hearing ynne da leh pyrchah yei hok ki paidbah ha ka ri synchaar paidbah.
Ka HYC da kylli ko weileh wa pynman ya kani ka hearing heipor 8:00 waje i step iwa da khanglaad ya kiwa rep wa kiwa chah ktah wow wan chimbynta nadooh ki tre chnong wa ki seiñbhalang.
Da kylli leh yei pynemkaam ya ki Tear Gas wei khang ki bor pulit ya kiwa wan chimbynta iwa tyngkheiñ ya ka Article 19(1)(a) wa 19(1)(b) ka riti synchaar ka ri India.
Chooh chooh da ong ko kammon wa tih ya ki sarok, i kawang moo wei i pynsih ya ki kari samen da kiwa kyrchaan ya kani ka karkhana.
Da ong ko leh wa ym ye u khut ya ka Public Hearing wa lai bait hawa kiwa chah ktah da chah pyndooh ki ya ka laad wow klam dei leh embor wei pyntieñ heiwa da man ko kam ka Private Hearing hapyrdi kiwa em ha i bor hapoh ka karkhana katwa ki paidbah da chah kyntait noh ki cha lait.
Ini toh katkam ka Wyrta na u Bormi Liam uwa man u Environment Secretary ka HYC Jaiñtia Hills District Unit.
Discussion about this post