Pdiang ka Kur Talang yei pynkylla pyrtuid na u “Rahul Kumar” cha u “Pyndaplang Talang” hadien i thooh bniah

Hadien wa kawi ka Affidavit kawa da pynbna paidbah ha ki laad pathai khubor hajrong i pynkylla purtuid wei kur uwi u khynroo wa chong wa sah ha Mawlynrei, East Khasi Hills da poor bha i ha ki rynsan Social Media iwa da wanrah leh i phylla ya kiwa boon kiwa yoo yeini deiwa booh yukylli leh ya kiwa yahkhmat ka kur Talang neibhah wa na i pyrtuid “Rahul Kumar” da pynkylla cha u “Pyndaplang Talang”.

Kamtæ neiliang ka Kur Talang Central Body hapoh i yahkhmat u President, u Borsing Talang, u Secretary, u Sowanki Talang deilang kiwi ki dkhot hadien i thooh bniah yong ki yei tre yong uni kamjooh kiwa ha-yung ha-sem, ynne ka sngi da chong yalang smat ki yow bichaar ya ki kot ki sla uni u khynroo ha chirup i emlang ka bei wa kiwa ha-yung ha-sem yong oo.

Hajrong ini, ka Kur Talang da pynche ko iwa sakhiat hi wa uni u khynroo thoh uwa na ka Kur Talang wei i pyrtuid wa sakhiat yong oo leh toh u Pyndaplang Talang katkam ka Birth Certificate wa da yoh u na Shillong Municipal Board neibhah ya oo da kha ha Nazareth Hospital Shillong, ka Baptist Certificate yong oo leh na ka Balang Catholic, kamjooh ki kot ki sla na ka chnong Mawlynrei. Tangwa du neidaw wa em i bakla ha u Aadhaar yong oo dei pyrtuid “Rahul Kumar”.

Ka Kur Talang pynche haroh ko wa i chnong tre yong kini toh na Mukroh, West Jaiñtia Hills District, wei deiwa yah ka beipun poi sah ki cha Shillong wei chong chnong ki ha Mawlynrei, heiwa ka bei yong oo ka Shimti Mary Talang da yoh kurim dkhar ko uwa pyrtuid (L) K. Mohato uwa man leh u pa yong uni u khynroo.

Pynkup ka Manipur International University da ka Honorary Professorship ya uwa na West Jaiñtia Hills

August 1, 2026

Pynman ka Ummulong Presbyterian College ya ka Nasha Mukt Bharat Abhiyan

August 1, 2026

Ka kur pynrap haroh ko wa ka pdiang hi ko ya kiwa toh ki kur tynre, tangwa ya kiwa kam hi-eh khlem i pynsakhiat ym ye ko u pdiang.

Neiliang uni u khynroo deilang ka bei yong oo ka Shimti Mary leh da pynche ki wa i leh Affidavit toh du yow pynkylla yei pyrtuid wa i kur wa bakla ha u Aadhaar cha i pyrtuid wa i kur tynre u Pyndaplang Talang kamwa man ha waroh ki kot ki sla.

Khana ki wa ya u Aadhaar wa bakla da yah phah chon da u pa yong oo hi u (L) K. Mohato heipor wa yah ke u ya uni u khon cha chnong u chapoh dkhar heipor wa dang 9 snem i rta, wei ha katai ka por ym em leh u pyntip u cha ka kurim u ka Shimti Mary wa yaleh Aadhaar.