Ka seiñ JNC – Western Zone wa ka JNC – Laskein Block Circle hapoh i yahkhmat u President ka Western Zone, u Hamehi Bamon wa u President ka Laskein Block Circle, u Imondeiwi Suchiang da lai yachem ki ya u Assistant Executive Engineer ka MeECL Shangpung Sub Division heiwa da e ya ka dorkhat heiyatoh wa 4 tylli ki mat wa kongsan bha neibynta ka bordiñ heiwa da em i duna hapoh ka chnong Raliang, West Jaiñtia Hills.
Nyngkong ka seiñ da dawa ko wow pynpoi bordiñ cha ki 2 tylli ki dong wa kynthup ya ka Moosynnah wa ka Umpasait kiwa em hapoh ka chnong Raliang.
Ka seiñ da chem ko wa ka Scheme RDSS wa da wan da slem wei da pynyieñ ya kattu katni tylli ki chrot bordiñ ha Raliang, Mowkaiaw, Iooksi Saphai wa kattu katni tylli ki chnong wei katkam wa man kattæ da rap slem da sangeh ki u kreh ya kani ka Scheme, ka seiñ da dawa wei maham ko wow kreh pyndep noh ya kani ka Scheme RDSS.
Chooh chooh ka seiñ da chem ko leh wa ki Transformer kiwa em ha ka chnong Raliang duna bha i bor (Voltage) ki wei wym yahaap bor de katkam wa em ki yung ki bru, wei wym kit bor de ki Transformer, ka seiñ da dawa ko leh wow pynku kyrdan namo pynthymme wow kylliang da u Transformer wa yahaap katkam i pynemkaam bordiñ ki bru ha kani ka chnong.
Neitæ ha ka chnong Raliang em boon ki chrot bordiñ kiwa tbian hadooh wa chah thymmoi ki sainar ha ki kari wei ini da man ko iwa maa ya kiwa lai wa wan kamjooh ya ki khon yong ka chnong, wei boon ki chrot toh kiwa da pai thlu wei kiwa da jan oor jan pat wa kiwa da dor, kamtæ da dawa wa ya kini leh toh u kylliang noh ki da kiwa biang.
Neiliang u sahep ka chnat MeECL da kular u wow chimkhia ya ini i kaam wei heiyatoh wa ka Scheme RDSS da kular u wow kreh pyndep ya ka pyn ha kini ki bnai wow wan.
Discussion about this post