Chah kem ki ar ngut heiyatoh wa i chah pynyap wei tooh ya ka kari uwa na West Jaiñtia Hills

Uwi uwa chong chnong ka Ialong, WJH uwa tip kam u Damehi Mulieh da chah pynyap u hadien wa chah tooh ka kari wei da em kiwa lai tyrwa dai ka cha Assam.

Ki pulit da yoh FIR ki wow pyntip wa ha ka 28-07-26, u Damehi Mulieh da mih u na yung wei ym em de liwan yung u.

Tangwa ha ka 31-07-26 da yoh Phone ki na ki pulit ka Assam wa ka kari u da yoh wow kem ka da ki pulit ka Gumra Police Station deiwa em uwi uwa yah wa uwi uwa chong hapoh wei kini ki bru da pyrchang ki wow dai ka khlem ki kot ki sla.

Neiliang kiwa ha-yung da kylli ki wa lada emlang u Damehi heiwa da pyntip cha ki wym em u.

Ha kani ka jooh ka sngi heipor kamwa 1:00 waje i sngi da yoh Phone ki wa da chem yei metyap u Damehi najan ka yung krehkaam warim u DC ha Khliehriat heiwa da lai pyntikna wa toh u Damehi wei hadien wa pyndep yeiwa emkaam da ki pulit ka Khliehriat PS wei pyndep ya ka Post-Mortem da e kti yei metyap cha kiwa ha-yung ha-sem.

Kamtæ ki pulit hei yahkhmat u UBSI CRW Nongbri deilang ki pulit ka Phramer TC da lai ki cha Gumra PS yow lai chimkti ya ka kari wei da kem ki leh ya ki ar ngut kiwa tip kam u Samuel Iakai wa u Dapjingkyrmen Paslein wei da wanrah ki cha Phramer TC hadien wa leh ya ka Medical Examination ha Gumra PHC.

Related posts

Kem ka CBI ya u Project Director ka NHAI Shillong

July 6, 2026

Na krem mooyong wa em ha Rymbai chem yei metyap uwa wiar deilang ka kari | Chah kem le ngut

July 3, 2026

Ki pulit da pyntip ki cha ki bei ki pa kini ki ar ngut yow wan mih ki cha Phramer TC tangwa ym bien ki.

Ya kani ka Case da Register ha Jowai PS wei da pynngat hapoh ki kyndon 103(1)/140(1) ka BNS kiwa man ki kyndon wa yatoh wa i pynyap bru wei rahbor ya u bru.