Pynbna ka IMD da ka Red Alert wa Orange Alert

Ka India Meteorological Department (IMD), Shillong Centre da pyntip ko wa daw joor u slap heiwa da pynmih da ka Red Alert neibynta ka East Khasi Hills District neidaw wa daw joor bha u slap ha ka 5 tarik.

Neibynta ka 5 tarik hi, da pynbna da ka Orange Alert neibynta ka South Garo Hills, South West Khasi Hills, West Jaintia Hills wa East Jaintia Hills District wa daw joor u slap deilang u kdur wa ka lailieh.

Ka Yellow Alert won wa daw joor u slap ha ki kattu katni ki thaw toh neibynta ka South West Garo Hills, West Garo Hills, East Garo Hills, West Khasi Hills, Ri Bhoi wa Eastern West Khasi Hills District.

Neibynta ka 6 tarik won da em du ka Yellow Alert heiwa u slap wa joor ye u wow hiar ha ki kattu kani ki thaw ka South Garo Hills, South West Khasi Hills, East Khasi Hills, West Jaintia Hills wa East Jaintia Hills District.

Related posts

Phah jied ki pulit ya u heh ka CJP lada kwah u wow chong chah kset næ wow lai chei pyndep niam ka beipun u

October 10, 2026

Chah ktah joor ka Panama na u khmi wa khlanbor 7.7

October 10, 2026

Neibynta ka 7 tarik leh daw em ka Yellow Alert neibynta ka South West Khasi Hills wa East Khasi Hills District wa ye u slap u hiar ha ki kattu katni ki thaw.

Ha ka 8 tarik wa ka 9 tarik won da em ka Yellow Alert du neibynta ka East Khasi Hills donhi wa ye u slap u hiar ha ki kattu katni ki thaw.

Ha kini ki 24 kynta u slap wa joor dooh toh ha thaaiñ Sohra kawa da yoh hadooh 130 mm u slap, pynbood sa ka Mawsynram 120.6 mm, ka Ratacherra 120.2 mm wa ka Khliehriat 91.1 mm.