Ym yoh phñiang ki kari khlem Insurance | Phah ka SC wow sdang ya ka Pilot Project

Ka Supreme Court ka India ha ka 4 tarik uni u bnai da khyrngiat ko wow tip wa kamwa 56% na ki kari ha sarok ka ri toh kiwa khlem Insurance, wei da phah ko ya ka sorkar wow sdang ya ka Pilot Project wow e phñiang du ya ki kari wa em Insurance wa krehkaam.

Ka miej bichaar u Justice Sanjay Karol wa u P K Mishra da ong ko wa ya ka hukum toh u pynkrehkaam da ka Ministry of Road Transport and Highways (MoRTH) wa ka IRDA (Insurance Regulatory and Development Authority of India).

Ka Supreme Court da chong bichaar ko ya ka mukotduma hajrong ka Section 146 ka Motor Vehicles Act, 1988 heiwa waroh ki kari toh u em Insurance ki khamtam ya ki Third Party.

Da pyrkhat leh wow em ka aiñ wow kynthup ya waroh kiwa em hapoh kari.

U Justice Karol da ong u wa ka IRDA toh u krehkaam ko chirup wa ka MoRTH wow pyrkhat ya ka Pilot Project heiwa i phñiang ya ki kari u e katkam ka Insurance wa em ki wei i wym em Insurance ye leh wot wow pyndooh yei phñiang. 

Related posts

Da pynmih hukum yow khang ya kiwa uiñke suwari wa chet baam harood sarok

August 5, 2026

Chah pyndam 1.80 lak ki pyrtuid kiwa thap Vote ha Meghalaya deiwa pynkrehkaam ya ka SIR

August 5, 2026

Ka yung bichaar da ong ko wa ini daw myntoi i ar bynta, kawi toh wow tip ya ka kari kiwa khlem Insurance wei kawi won toh u tip ya ka kari kawa ym pu em Register. 

Ka miej bichaar da ong ko leh wa yeini ye u leh deiwa pynemkaam ya ka ANPR (Automatic Number Plate Recognition) Camera wei ka Ministry of Petroleum and Natural Gas ym wit ko yeini.