Ym yoh phñiang ki kari khlem Insurance | Phah ka SC wow sdang ya ka Pilot Project

Ka Supreme Court ka India ha ka 4 tarik uni u bnai da khyrngiat ko wow tip wa kamwa 56% na ki kari ha sarok ka ri toh kiwa khlem Insurance, wei da phah ko ya ka sorkar wow sdang ya ka Pilot Project wow e phñiang du ya ki kari wa em Insurance wa krehkaam.

Ka miej bichaar u Justice Sanjay Karol wa u P K Mishra da ong ko wa ya ka hukum toh u pynkrehkaam da ka Ministry of Road Transport and Highways (MoRTH) wa ka IRDA (Insurance Regulatory and Development Authority of India).

Ka Supreme Court da chong bichaar ko ya ka mukotduma hajrong ka Section 146 ka Motor Vehicles Act, 1988 heiwa waroh ki kari toh u em Insurance ki khamtam ya ki Third Party.

Da pyrkhat leh wow em ka aiñ wow kynthup ya waroh kiwa em hapoh kari.

Related posts

Iñkhaw ka Bolero Pickup ka Shree Cement neiwa chah kawang Petrol Bomb ha ki bru wa kah durkhmat ha EJH

August 25, 2026

Daw pynman ya ka e sikai pynriam pynchna syntu wa i chna kpieñ neibynta waroh

August 25, 2026

U Justice Karol da ong u wa ka IRDA toh u krehkaam ko chirup wa ka MoRTH wow pyrkhat ya ka Pilot Project heiwa i phñiang ya ki kari u e katkam ka Insurance wa em ki wei i wym em Insurance ye leh wot wow pyndooh yei phñiang. 

Ka yung bichaar da ong ko wa ini daw myntoi i ar bynta, kawi toh wow tip ya ka kari kiwa khlem Insurance wei kawi won toh u tip ya ka kari kawa ym pu em Register. 

Ka miej bichaar da ong ko leh wa yeini ye u leh deiwa pynemkaam ya ka ANPR (Automatic Number Plate Recognition) Camera wei ka Ministry of Petroleum and Natural Gas ym wit ko yeini.