U President ka VPP, u Ardent M Basaiawmoit da pynsñiaw u yei hun ynne ka sngi wow yoo yei em ki paidbah kiwa boon kiwa da wan mihlang chei lai toor wei kær ya ka Secretariat ha Shillong deiwa ong wa yeini da ye wow leh khlem da pynlut chi paisa leh wei ki paidbah da mih ki wot ha ka sngi wa kreh ki.
Da ngait skem u leh wa ini i mih ki paidbah daw pynbor ko ya ka sorkar hajrong ki dawa ka Party wei pynyoo i leh yei wym em hun ki paidbah yei rukom synchaar.
Ini i lai paidbah ka VPP ynne da kut ko khlem da em iwon iwon i mih kulmar wei da man ko kawa jai-jai.
I lai kjat da sdang i najan Shillong Civil Hospital wei ki bru da sdang ki wow ya bood deiwa lai soodong ka Secretariat wei kat u poi ha Additional Secretariat hawa sangeh chipor da em ki da ki hajar ngut deiwa em leh kiwa boon ki pulit ha tymbud luti.
Heini u Ardent da e u yei klam wei da ong u leh wa ki daw wa hap wow pynman kam kani ka yakhih toh wym e ya ki dei por wa biang hapoh ka Assembly yow yatai ya ki phang wa emkaam kiwa ktah ya ki paidbah.
Hadien ini da skit biang ya ka Secretariat sa chisien wei da yapra noh deiwa lai cheiliang ka yung krehkaam u DC.
Discussion about this post