Da biang chwa i wanrah Coke wa Cement Plant, ong u Ardent hawa lai toor cha ka Secretariat

Ka Voice of the People Party (VPP) da mih paidbah ko yow kær ya ka Secretariat ynne ka sngi hajrong ki 10 tylli ki mat dawa na ka sorkar wa kynthup i dawa wow sangeh noh yei wanrah ya ki Coke Plant wa Cement Plant ha East Jaiñtia Hills.

Ha ka yalang wa tbian wa da pynman ha ka thaw pynyieñ kari hajan ka Additional Secretariat, u Ardent Basaiawmoit da kynthah u deiwa eh ya ka Public Hearing yong ka Shree Cement Private Limited kawa pynman ha Lum Syrman Elaka Nongkhlieh, heiwa ym em e laad ya kiwa pyrchah wow chimbynta ki deiwa khang ya u sarok.

Da ong u wa ka VPP da dawa ko na ka sorkar wa toh u sangeh noh chisiendon i wanrah ya ki karkhana pynmih Cement wa ki karkhana Coke, neibhah wym em pynmyntoi ko ya kiwa chong chnong wei da chah leh pynsih ka rymaw wa em soodong.

Da ong u leh wa i wan ki paidbah ka seiñ toh wow pynyoo ya ki mat dawa wei kani ka yakhih toh i sdang donhi.

Related posts

Hun u Ardent yei boon ki paidbah wa mih wei ym em hap wow pynlut iyi iyi leh

August 6, 2026

Kammon u leh yow tip lada em i pyrtuid phi hapoh ka Draft Electoral Roll hadien wa pyndep ya ka SIR

August 6, 2026

Hadien wa klam u Ardent da lai skit biang ya ka Secretariat ha ka wat kawa ar wei da yapra noh deiwa lai chieliang ka yung krehkaam u DC.

Ha kani ka lai paidbah da rah leh ya ki Placard wa em ki kyntien dawa wei da kbai leh ki kyntien yow pynrem sorkar.