Uwi u bru wa 38 snem i rta wa ka payu u da yap ki hadien wa chah khyrrup wei chah pynmynsoo ha kawi ka dngiem khloo iwa da jia ha Kaner District ka jylla Chhattisgarh iwa da jia ha ka 5 tarik uni u bnai.
Sa kawi ka diah kawa yap da mynsoo joor ko ha iwi won i jai hei janmiet ka jooh ka sngi ha chnong Largaon Markatola iwa dang haap hapoh ka Narharpur Forest Range heipor wa kini ki le ngut ki chi payu dang em ki ha lyngkha, da pyntip ki bru ka chnat Forest.
Kini kiwa yap toh uwa tip kam u Halal Khor Jurri (38) wa ka payu u, ka Chamrin Bai (40), katwa ka diah ki, ka Khorin Bai (30) da mynsoo ko wei da kit ya ka cha ka Hospital wa em ha Kanker.
Mar ya tip yeiwa jia, ki bru ka chnat Forest da lai ki cha ini i thaw wei da pyntip kiwa chong chnong wa kawi ka dngiem da man ko kawa chitkhlieh hadien wa yap iwi na i khon ko.
Kani ka dngiem wot hadien wa pynyap ko ya kini ki ar ngut, da neh ka ini i thaw wei da pteiñ ko wow dait wei khloh ki.
I Video ini wa jia da poor bha iwa pynoo yei wan kani ka dngiem cha ki ar tylli ki metyap.
Discussion about this post