Ka seiñ Hynniewtrep Youths’ Council – East Jaintia Hills District (HYC-EJH) da yachem ko wa u Deputy Chief Minister ka Meghalaya, u Sniawbhalang Dhar yow e dorkhat deiwa dawa wow booh ya ka Police Outpost ha thaaiñ Bataw.
Neiliang ka seiñ da ong ko wa kamwa man kattæ, ka chnong Bataw deilang wa ki chnong wa em chajan kam ka Lakadong, Lama wa Borkhat haap ki hapoh ka Lad Rymbai Police Outpost wei ini ym em man ko kawa biang neidaw wa joor ware jngai kini ki chnong najrong wa katni da boon leh kiwa chong chnong.
Da ong wow yabeh nadooh Lad Rymbai cha Bataw toh kawa pynlut por bha khamtam lada em ki kaam wa jhan næ ki kaam tyngkheiñ aiñ.
Deiwa booh leh ya ka Police Outpost ha thaaiñ Bataw daw pynstiñ ko leh ya ki pulit ka Lad Rymbai kiwa hap wow pait hadooh ki chnong wa em cha khappood.
Chooh chooh da ong wa da emkaam kani ka Outpost khamtam kattu wa daw chna ya u sarok 4-Lane.
Neiliang u Sniawbhalang da ong u wa ka sorkar daw pait bniah ko yeini wei daw leh yeiwa emkaam kamjooh u booh ka mang tangka wa kiwi de kiwa emkaam nadooh ki pulit yow pynchngaaiñ ya kani ka thaaiñ.
Discussion about this post