U DC ka East Jaiñtia Hills, u Manish Kumar da ong u wa neidaw u sarok National Highway-6 (NH-6) da man u kam u budloom ka District nadooh na Tuber Chohchrieh chadooh Malidor uwa da pynemkaam yow kit u bah ya ki mar ki mata wa ki paidbah, tangwa da em kiwa da chna da tei khlem da yoh bor ha ki kattu katni ki bynta uni u sarokbah.
Ini wa da chna ki bru da pynthut ko yei lai i wan ki kari hadooh wa em kiwa kah hadooh wym chynna bha ya u sarok.
Da em leh ki Truck kiwa da pynyieñ ha ki thaw wym chah kiwa da pynthut leh yei lai i wan ki kari kamjooh kiwa da booh hei maa ya kiwi.
Kamtæ u DC da pynkrehkaam u da ka Section 163 ka Bharatiya Nagarik Suraksha Sanhita, 2023, yow khang yei chna, i tei ya iwon iwon khlem da yoh bor kamjooh i pynyieñ Truck næ kiwon kiwon ki kari wa khia ha tymbud u National Highway-6 (NH-6) ha ki bynta wa haap hapoh ka East Jaintia Hills District lait noh ha ki thaw pynyieñ kari wa da e bor da ki bor District.
Lada chem ya kiwon kiwon kiwa leh pyrchah daw chah pynchitom ki katkam ki kyndon ka Section 223 ka Bharatiya Nyaya Sanhita (BNS) wa kiwi de ki kyndon ka aiñ.
Kani ka hukum u krehkaam ko chisiendon.
Discussion about this post