Ka Pnar Student Movement (PSM), Central Body ynne ka sngi da booh ko dei thoh cha ka National Highways Authority of India (NHAI), hajrong ki mat wa emkaam nadooh wow pyndap ya waroh ki thlu (Potholes) wa em ha ki bynta saorh NH-6 uwa da sih palat khnang wow lait nei ya tyrrah kari du neiwa yait thlu.
Ka seiñ da dawa ko wow pynkhooid ya ki bynta wa oor khyndaw ha sarok ha ki thaain Lumshnong hadooh Malidor.
Da dawa leh wow pynbiang yei chakri Ambulance waroh 24 kynta yow yarap paidbah hawa em kiwa mynsoo.
Ka seiñ da dawa ko leh wow pynbiang ya ki Recovery Vehicle, Crane wa Towing Service wow e yarap hawa em i ya tyrrah kari.
Ka seiñ da dawa ko leh wow em ki Hghway Patrol, u pynyieñ ya ki dak maham (Road Signs) kiwa che bha wa ki Barricade ha ki bynta wa rap maa kamjooh leh u booh ki ya u Helpline Number 1033 ha kylleiñ ki thaw, khnang yow tip ki paidbah u Phone manda chem chitom ki hawa jia tyrrah kari.
Discussion about this post