Dawa ka KSU na ki ar tylli ki skur kiwa la 100 snem tangwa ym em Subject Khasi ki wow sdang noh

Ka KSU Laban Circle lyngba Ka Education Cell ha ka 10 tarik uni u bnai da yoh ki wow yachem wa ar ngut ki Principal yong ki ar tylli ki skur wa em ha ka thaaiñ Laban katæ ka Laban Bengalee Boys Higher Secondary School wa ka Laban Bengalee Girls Higher Secondary School yow dawa wanrah ya ka Subject Khasi ha kini ki skur.

Ini i lai ka seiñ toh hadien wa da ujor ki bei ki pa ki khynnah wa da dooh laad ki khon ki kti yong ki wow pteiñ u chim ya ka Subject Khasi manda lai ha kini ki skur.

Ka seiñ da chem ko leh wa kini ki skur toh kiwa da lai luti da palat 100 snem tangwa ym em ki ya ka Subject Khasi wei na kini ki daw da dawa wow pynpsiah noh ya kani ka Subject khnang wa ki khon khynroo khyllood u yoh myntoi ki chiboon deiwa yoh u puræ ya ka ktien Khasi kam kawi na ki Subject.

Da kdaw leh wa kani ymtoh ka sien wa nyngkong wa ka seiñ da lai mih ko yow dawa pynpsiah ya ka Subject Khasi ha kini ki skur.

Related posts

Pynlait ka yung bichaar ya ki heh ka CJP da ka kyndon wow pynneh yei suk i saaiñ chi snem

October 11, 2026

Yap uwa kynthiar chapoh ka thaw wa booh ya u khla

October 11, 2026

Ka seiñ da ong ko leh wa waroh ki skur wa em ha ka thaaiñ Laban hi ki wym em ya ka Subject Khasi toh u sdang noh ki nadooh u snem wow wan.