Uwi u khynnah wa 16 snem i rta na West Bengal la san snem tam da hap u wow chong hapoh nan dei yong sngi lynter. Uni u khynnah toh u Iqbal Sheikh na Beldanga, Murshidabad District, wei da kam u wa iñ ka sniehdoh u iwa pynman ya oo wow chong hapoh nan deiwa kam wa em u Jinn (u kynja ksuid) wa em hapoh i doh u.
U Iqbal Sheikh da chong u hapoh um dei yong sngi wei miet hadooh wa em ki por da chong u dei yong tayaaw khlem mih. Da kam u wa iñ ka sniehdoh u mar mih u napoh nan wei wow lait neini da chong noh u hapoh um.
Da kam u wa em u i bor u Jinn tangwa ym em sabut wow pyntikna yeini wei da suba wa em chitom u hei bor pyrkhat donhi.
I chong slem hapoh um ktah i ya ka sniehdoh heiwa da jooh khai ky’oh u leh man-i-por da kam ki jan yung yong u Iqbal.
U Iqbal Sheikh im u dei baam wa wanrah na ka yung kamjooh ki para chnong deilang ki bru paidbah kiwa wan pait yeini wa yoo phylla yei rukom im u.
Neiliang kiwa ha-yung da yah ki oo cha Block Primary Health Centre tangwa ym em ye ki wow sumaar oo wei da chem chitom ki wow lai cha kiwi ki thaw sumaar wa rap miat neidaw wa duna poisa.
Da pyntip leh wa lada mih u Iqbal napoh ka um tangwa liwan bait u chapoh um wei ym ye wow pynneh oo ha yung wei da lai chong u hapoh kiwa boon ki nan khian wa em ha kani ka thaw.
Discussion about this post