20 snem phah kset ka yung bichaar ya uwa slaitbor pyn ya ka khon u payu

Heiyatoh wa ka FIR wa da booh ha ka 15-05-23 ha Madanrting Police Station wa da ujor da uwa chipayu wa u Shanboklang Dkhar wa slaitbor u ya ka khon uwa ujor kawa dang 7 snem i rta.

Neiliang ki pulit ka Madanrting da pynngat ki ya u Shanboklang hapoh ki kyndon 5(l)(m)(n)/6 ka aiñ POCSO kiwa man ki kyndon slaitbor deilang i slaitbor ya ka khynnah wa dang hapoh 12 snem.

Ya ini wa jia da takit da ka WPSI Lavinia S. Khongwang kawa katni em ko wa ka NIA, Sonapur, Assam wei hadien wa pyndep ya ka takit da Charge Sheet ha ka 31-07-23.

Ka yung bichaar ka M.K. Lyngdoh, Special Judge (POCSO), East Khasi Hills ha ka 5 tarik uni u bnai da rai pynrem ko ya u Shanboklang Dkhar hapoh ki kyndon 5(l)(m)(n)/6 ka aiñ POCSO deiwa phah kset oo 20 snem deiwa pynchitom bha deilang ka kuna wa Rs. 50,000 wei lada ym su u ya kani daw hap chong patok u sa 6 bnai.

Related posts

Maham pynman yakhih lym pyndooh pyndam ya ka Public Hearing ka Shree Cement wei wow Suspend ya u DC, SP wa ki bru ka MSPCB

August 11, 2026

Palat 10,000 ngut wa em HIV ha jylla | Boon dooh ha East Jaiñtia Hills

August 11, 2026

U Shanboklang Dkhar toh uwa dadep chah kset 3 snem, ar bnai wa 19 sngi heiyatoh wa ini i kaam wa leh u, kamtæ daw hap u wow chong patok u sa 16 snem 9 bnai wa 11 sngi.