Rem ka KHADC ha ka High Court | Chah pynyap ka hukum Suspend ya u Syiem ka Hima Mylliem

Ka Meghalaya High Court da pynksan ko ya u Syiem ka Hima Mylliem, u Ainam Manik Syiem uwa da chah Suspend ha ka Khasi Hills Autonomous District Council ha ka 22 tarik u Naisan 2026, wei heithaw yong uni u Syiem wa pura, da thung noh da u Alban Fedrick Syiem kam u Acting Syiem.

Ka Khasi Hills Autonomous District Council (KHADC) wa synchaar da ka Voice of the People Party (VPP), da Suspend ko ya u Syiem ka Hima Mylliem, u Ainam Manik Syiem neidaw wym em su ka Hima ya ka bai dan deiwa kheiñ 1:8 cha ka Council kattu la kamwa 7 snem.

Kani ka bai dan dapoi ko cha palat Rs. 3 klur tam najrong sa ka bhah wa 10% wa kheiñ na ki dan wa da lum da ka Hima na ki yaaw ki haat ha ki le snem wa da lai.

Related posts

Chah pynmynsoo kawi ka khynnah da ka Chainsaw ha u bru wa psiah chapoh ka kamra skur

October 31, 2026

Maham ka IMD wa ye u em Cyclone ha ki sngi wow wan

October 31, 2026

Ha ini i pynbna yei rai wa ynne ka sngi, ka High Court da pynyap ko ka hukum Suspend ka KHADC ya u Syiem Ainam, deiwa kdaw wa i Suspend ya u Syiem wa pura ym em da leh katkam ka aiñ.

Ka High Court najrong u Syiem Ainam, da pynneh ko leh ya u Syiem Khynnah, u Mansan Syiem.