Ha ka 6 tarik uni u bnai da chem yei metyap yong uwi u bru na ka thaw pynyieñ kari wa em harood ka J. Marbaniang Petrol Pump, Themmarwet kawa dang haap hapoh ka Khanapara Police Station ka Ri-Bhoi District.
Ki pulit hawa poi ki cha kani ka thaw wei hadien wa pyndep u leh yeiwa emkaam wei hawa kylli ya kiwa em chajan, ym em kiwa tipmit ya uni u bru.
Tangwa na uni u bru da chem ya u chabi ka kari Tata Magic wei hawa booddien deiwa kylli ya kiwi kiwa kamai da kam kani ka jooh ka kari, ym em wa tipmit ya uni u bru wot da kiwa kamai ha u sarok Guwahati-Shillong.
Kamtæ da kit yei metyap cha Nongpoh Civil Hospital yow pyndep ya ka Post-Mortem wei da booh noh hapoh ka kamra booh ya kiwa da khlaad khlem da em wa wan kam.
Uni u bru wa man u dkhar toh uwa em 20-35 snem i rta uwa em Tattoo ha kti timun wa ha waroh arliang i rupai u.
Uni u bru toh uwa jrong 172 cm uwa sap ya ka T-Shirt rong ktieh, ka banian rong lieh, u snieh tympong, ka patlun Jeans, uwa tbian sniooh wei uwa em tmaiñ.
Kiwa tip chaphang uni u bru ye ki wow Phone ha Police Control Room Nongpoh: 6909300160 lane ha Khanapara Police Station: 6909300146.
Discussion about this post