Chimkti biang u Syiem Ainam Manik ya ka Hima Mylliem

U syiem wa pura ka Hima Mylliem, u Pa’iem Ainam Manik Syiem da chimkti biang u ya ka khet Syiem du hadien kattu katni kynta wa ka Meghalaya High Court da pynyap ko ya ka hukum wow Suspend ya u Syiem da ka Khasi Hills Autonomous District Council (KHADC).

Hawa kylli heiyatoh wa ka bhah poisa wa ka Hima hap ko wow su cha ka KHADC iwa man i daw wa chah Suspend u, u Syiem Ainam da ong u wa ka bhah wa 1:8 toh du ka Resolution næ ka rai hapoh ka dorbar wei ympu em man ko ka aiñ, hanla kattæ leh, neiliang ka Hima burom ko ya ka District Council deiwa su da ka Token.

Heiyatoh won wa ka 10%, da ong u wa neiliang ka Executive Committee warim da pynlait noh ko yeiwa hap u su tangwa dang dep wow pyndam ka ha ka 16 tarik u April 2026, wei ka Hima dang pyrkhat ko wow su noh tangwa da mih noh ka hukum wow Suspend ya oo.

Related posts

Ki Number Lucky Draw ka Dorbar Chnong Khimusniang

October 31, 2026

Da pyllait paidbah ya ki Ticket Lucky Draw yong ka Dorbar Chnong Raliang Pyllun kawa Rs. 5 Lak

October 31, 2026

Neiliang u Syiem da pynsñiaw u wa smat u wow ya krehlang wa ki bor ka KHADC wei wow ya thaw ya kawon kawa tam wa duna næ i bakla.

Kam wow pynkynmoo wa ka Khasi Hills Autonomous District Council (KHADC) wa synchaar da ka Voice of the People Party (VPP), da Suspend ko ya u Syiem ka Hima Mylliem, u Ainam Manik Syiem ha ka 22 tarik u May neidaw wym em su ka Hima ya ka bai dan deiwa kheiñ 1:8 cha ka Council kattu la kamwa 7 snem kawa dapoi palat Rs. 3 klur najrong ka bhah ka dan wa 10% na ki yaaw ki haat wa lum da ka Hima ha ki le snem wa da lait.