Da wai da ka yaaw neibynta ki SHG ha pchem u DC ha Jowai

U Deputy Commissioner ka West Jaiñtia Hills, u Abhinav Kumar Singh ynne da wai u ya ka Natural & Craft Mart, kawa man ka dukan ki SHG wa booh da ka District Mission Management Unit (DMMU), Meghalaya State Rural Livelihoods Society (MSRLS), West Jaiñtia Hills ha pchem ka yung krehkaam u Deputy Commissioner, Jowai hajrong ka thong wow e rynsan ya ki Self Help Groups (SHGs) wa kiwa seiñ kreh na palatsor.

Ha ka yalang wai da emlang u Chief Operating Officer, Meghalaya State Rural Livelihoods Society, u Shanlang Lyngdoh, ka Project Director, DRDA and Nodal Officer DMMU, ka B. Blah, ki State Mission Managers, ki sahep na ki chnat waphær, ki CLFS, VOS, SHG wa kiwi.

U Abhinav Kumar Singh hawa e i klam da e khublei u ya ka Project Director, ki DM wa kiwi kiwa da pynman ya ini iwa jop heiwa da ong u wa man ko u moomær wow yarap seiñ kreh wei wow booh ya ka rynsan wow pynyoo ya ki tiar wa chna hi ha iwi i thaw.

Related posts

Khlaad ki ar ngut chi payu nei chah pam pyrthat heipor wa yalehbol, mynsoo boon ngut ha West Khasi Hills

August 11, 2026

Maham pynman yakhih lym pyndooh pyndam ya ka Public Hearing ka Shree Cement wei wow Suspend ya u DC, SP wa ki bru ka MSPCB

August 11, 2026

Chooh chooh da ong u wa ka Natural & Craft Mart daw man ko ka thaw wow sangeh chisien don wow yoh ya ki tiar wa miat pyn hapyrdi ka District deiwa pynrap wa ka yung krehkaam yong oo chirup wa ka MSRLS daw e yarap pura ki ya ki SHG wow pynpoi ya ki mar yong ki.

Kiwi kiwa da klam ha kani ka sngi toh ka Project Director, DRDA and Nodal Officer DMMU, ka B. Blah, u Chief Operating Officer, MSRLS, u Shanlang Lyngdoh, u District Mission Manager, MSRLS, u R. Shadap, u Kynsai Kharkongor, DFS SISD uwa da kdaw wa em 5000 tylli ki Self-Help Groups, 284 tylli ki Village Organisations (VOs) wa 25 tylli ki Village Federations (VLFs) kiwa kreh ha i chait i khiah, i kamai wei wow pynbiang ya ki mar baam wa tei yei doh i pran ki bru.