Em 6 lak tam kiwa artatien kam kiwa thap Vote ha Meghalaya: CEO

Hadien wa pynmih ya ka Draft Electoral Roll deiwa leh ya ka Special Intensive Revision (SIR) heiwa da em 1,80,402 ngut kiwa da chah pyndam pyrtuid kiwa man kam ki ASDD (Absent, Shifted, Deceased & Duplicate), neiliang ka yung krehkaam u Chief Electoral Officer (CEO), Meghalaya da booddien chooh chooh ko yeini deiwa yachem wa ki DC, ki DEO, ki SDO, ki ERO wa ki AERO lynga ka Video Conference ynnin ka sngi.

Ha ini da yaklam leh heiyatoh wa ki Notice deilang ki Hearing wa da daw hap pynman heiwa da em 2,22,786 ngut kiwa thap Vote kiwa da booh hapoh ka kyrdan “No Mapping” Category wei da em won sa 4,28,858 ngut kiwa ym ye wow chem ki hapoh ka SIR wa da leh ha u snem 2005. Ini mut i wa em 6,51,644 ngut kiwa thap Vote kiwa daw hap pait bniah wei wow leh katkam ki kyndon wa da booh.

Iwa pynartatien toh wym em yatoh i pyrtuid yong ki i wa pyrtuid wa em ha ka SIR 2005, wei em leh wym yatoh i pyrtuid ka bei u pa wa iwa da e ha u 2005.

Em leh wa heh ka bei lane u pa du 15 snem ya ki wei em won da heh da palat 50 snem ya kini kiwa em pyrtuid thap Vote kiwa dang artatien.

Related posts

Mar Rs. 50,000 yoh kiwa ye u pyndep ya ka Prelims ka UPSC

August 12, 2026

E jubab u Amit Shah ya ki MLA ka UDP neibynta ka ILP, mooyong, MRSSA wa kiwi de

August 12, 2026

Em leh kiwa chi payu tangwa yaphær ka sngikha du hapoh 9 bnai.

Em won wa heh ka beipun ki ya ki du hapoh 40 snem.

Cha kini waroh da phah Notice kamjooh da phah leh ya ki bor District wow pynkhreh ki ya ki tarik pynman Hearing.

U CEO da pyntip u leh wa hadien wa pynmih ya ka Draft Electoral Roll, da em 2,449 tylli ki Application wa da yaleh heiwa 1,211 tylli toh ya ki Form-6, 8 tylli ki Form-7, 253 tylli neibynta ka Form-8 yow kyrriah thaw wa 1,067 ngut toh neibynta kiwi hapoh ka Form-8.

Kitu ki wym ye u pyndong ya ka Enumeration Form yong ki dang e laad deiwa pyndap ki ya ka Form-6. Ka Form-7 toh yow pynbait yeiwa bakla wei wow pyndam ya iwa da em katwa ka Form-8 toh ya kiwa kwah wow kyrriah thaw sah, wei wow pynbait leh ya iwa kwah ki.

U CEO da ong u wa ym pyndam ya iwon iwon i pyrtuid kiwa da em hapoh ka Draft Electoral Roll khlem da leh katkam ki kyndon wei kitu kiwa yoh Notice leh daw e laad ya ki wow pynsñiaw ki yei hok yong ki chwa wow chim ya kawon kawon ka rai.

Puræ leh: Kammon u leh yow tip lada em i pyrtuid phi hapoh ka Draft Electoral Roll hadien wa pyndep ya ka SIR