Hadien wa da pyndep ya ka Special Intensive Revision (SIR) deiwa lai psiah na iwi yung cha iwi i yung ha waroh ki 60 tylli ki Constituency heiwa chwa ka SIR kiwa thap Vote ha Meghalaya da em ki 23,49,645 ngut. Da chem wa na kini da em 81,490 kiwa da yap kiwa dang em pyrtuid bait kiwa man 3.47% na kiwa thap Vote, da em leh 45,011 (1.92%) kiwa ym chem de, neitæ 42,532 ngut kiwa da mih chnong dei wym liwan de; ki 4,668 ngut ki wym bien u pdiang ya ka Enumeration Form wa 6,701 ngut kiwa em pyrtuid ha kiwi ki Constituency leh.
Da em leh 2,22,786 ngut ki wym pu ye u pyntikna neidaw wym chem ya ki kot ki sla ki deiwa kheiñ ya ka SIR 2005 wei ya kini dang booh chwa cha rood kat wym pu ye ki u pynbiang ki kot ki sla.
Hadien wa leh yeini, kiwa thap Vote wa em pyrtuid ha ka Draft Electoral Roll da em ki 21,69,243 ngut.
Kam chibynta kani ka SIR, ka Election Commission of India da mynjur ko leh ya Rationalisation of Polling Station heiwa ha Meghalaya da mih 86 tylli ki Polling Station wa thymme.
Ini mut i wa da ku na 3,551 tylli cha 3,637 tylli ki Polling Station.
Kitu kiwa kwah u tip u pait lada em i pyrtuid phi hapoh ka Draft Electoral Roll ye phi wow lai ha https://www.ceomeghalaya.nic.in/erolls/electoral-rolls-2005.html wa https://electoralsearch.eci.gov.in/uesfmempmlkypo. Ye leh u pynemkaam da ka ECINET App, u lai yachem wa jar jiar ki Block Level Officer (BLO) lane wa ki Election Registration Officer (ERO).
Lada em i pyrtuid phi wei da pynyabi leh wa ka SIR 2005 ym emkaam de u leh iyi tangwa lada mih i pyrtuid phi tangwa ym em pynyabi wa ka SIR 2005, daw yoh phi ya ka Notice na u BLO/ERO wei hap phi wow wan mih ha ka sngi wa da booh.
Lada ym em won mih pyrtuid hapoh ka Draft Electoral Roll ye phi wow pyndap da ka Form 6 deilang wa kiwi de ki Declaration Form heipor wa chah u leh ya ka Claims & Objections hadooh ka 4 tarik u September 2026.
Ya ka Final Electoral Roll daw pynmih ka ha ka 7 tarik u October, 2026.
Discussion about this post