Deiwa pynkup burom ya kiwa jop da lehkmen ya ka International Youth Day 2026 ha Jowai

Ka 12 tarik u bnai August man-u-snem toh ka sngi wa kyrpang yong ki khynroo khyllood ha chi tyllup ka pyrthai wa tip kam ka International Youth Day wei ha uni u snem leh kamwa ya kani ka sngi da lehkmen ha kylleiñ ki ri wa ki jylla waphær, neiliang ka yung krehkaam ka District Sport Officer, West Jaiñtia Hills District leh ynne ka sngi da ksohktilang ko deiwa pynman da ka yalang wa kyrpang yong ki khynroo ha Auditorium Hall ka Kiang Nangbah Govt. College Jowai, ha chirup i wan chimbyntalang ki kynroo khyllood wa lai puræ na ki skur wa ki College waphær waphær.

U kongsan ha kani ka yalang toh u H. Toi, Principal ka Kiang Nangbah Govt. College Jowai.

Kani ka sngi man ko leh ka sngi wow kynmoo yei chakri ki khynroo khyllood ha ka imlang sahlang wa kynthup nadooh i embynta ki hei wow pynku yei stat i tip, i pyntip pynsñiaw yei eh wa maad ki, najrong wow pynchlur wei wow pynkupbor leh ya ki.

Kamwa ka phang yong kani ka sngi ong ko, “Youth advancing multilateral cooperation through technology and partnerships” namo ki “Khynroo khyllood wa pynku yei ya sñiawthooh wa i yakrehlang hapyrdi ki ri waphær waphær lyngba i stat Technology wa i yakrehlang”, neiliang ka DSO yong ka West Jaiñtia Hills, ka Linza F Syiem da e ko i batai bniah hajrong kani ka phang.

Ha kani ka sngi najrong i klam e mynsien ya ki khynroo khyllood wa kammon u lai luti ki hei im la hei puræ puthi, i pyrchang wow khih u khan, neiliang ka Dayarisa Lyngdoh kam kawa sikai, da e nongmuna haroh ko deiwa chem wa yoo pyn ha ki khynnah skur wa jooh sikai ko wa kamjooh kiwi won ki bru kiwa kreh chitom hei im neibynta u hoi bru u dap biang i im.

Neitæ won hadien i pynsñiawthooh hajrong ka Chief Minister’s Youth Engagement Program (CMYEP) ka sorkar jylla, kawa man ka rynsan wa kyrpang neibynta ki khynroo khyllod u pynyoo ki jar jiar i sap, da pynkup burom leh ya ar ngut ki khynroo khyllood ka District wa kynthup ya u George Donkupar Gassah wa ka Twinklexilingshi Lyngdoh kiwa man leh kiwa jop ha i yakob pynyoo sap hapoh kani ka CMYEP.

Related posts

Mar Rs. 50,000 yoh kiwa ye u pyndep ya ka Prelims ka UPSC

August 12, 2026

E jubab u Amit Shah ya ki MLA ka UDP neibynta ka ILP, mooyong, MRSSA wa kiwi de

August 12, 2026

Ha kani ka sngi da yoh leh i chaad i rwai i tem na ka Seiñraij Jowai, na kiwa pure ka Kiang Nangbah Govt. College Jowai wa na u Landynath M. Lynthong wa u Bezalial Mi-oo P Dkhar.

Da pynkut da i klam e khublei na u K.Sohlang, UDA,O/o DSO West Jaiñtia Hills.