Ynne ka sngi, ka yung krehkaam ka Dorbar Hima Mylliem da sakhi ko ya ka Drama neidaw wa u Alban Fedrick Syiem uwa da thung da ka Khasi Hills Autonomous District Council kam u Acting Syiem yong ka Hima Mylliem ym bien u mih na ka kamra krehkaam.
Hadien wa ka Meghalaya High Court ha ka 11 tarik uni u bnai da pynksan ko ya u Ainam Manik Syiem uwa da chah Suspend ha ka KHADC wa yahkhmat da ka Voice of The People Party, u Syiem Ainam ha katai ka jooh ka sngi da chimkti biang u yei kaam, tangwa hawa lai u ynne ka sngi ym em yoh u psiah hapoh ka kamra krehkaam neidaw wa u Alban Frederick Syiem deilang wa ki Montri yong oo ym bien ki wow mih napoh ka kamra krehaam.
Hawa kiwa thoh khubor da pyrchang ki wow yaklam wa u Acting Syiem hajrong ini i kaam, ym bien u wei katkam wa khana ki Montri ki wym wow khana pyrtuid, i daw wym mih u toh neidaw wym pu yoh hukum na ka KHADC.
U Syiem Ainam deilang ki Montri wa em ha ka liang yong oo da yang ki yow yoh u psiah chapoh tangwa hadooh 5:00 waje i janmiet wa kut i por kreh leh ym yoh ki. Neidaw won wa da toh i por wai kreh, neiliang ki pulit da hap ki wow tuklar deiwa phah mih noh ya u Acting Syiem wa ki Montri.
Discussion about this post