Ki chi kurim da mynsoo ki hadien wa chah dait ki syndet ha u ksaw Pitbull ha Ghuman Nagar, Patiala ka jylla Punjab wei ya ini da yoh u riñ da ka CCTV iwa da poor bha ha Social Media.
Ini da jia i ha ka 11 tarik uni u bnai katwa u Ankit Sabharwal wa ka kurim u, ka Shifali da lai ki cha Ghuman Nagar wow pait ya i yung wai deilang wa u Agent.
U Ankit, da ong u wa uni u Pitbull da mih u heipor wa wai u Agent ya ka Gate, wei mar ya mih da sdang u wow dait ya ka Shifali wa ya oo ha kti wa kiwi ki bynta i doh ki wei ya ka Shifali da kit noh cha Hospital hadooh wa hap chah pooid.
Katkam i Video CCTV da yoo wa uni u ksaw da dait u ki kini ki kurim chibet na kjat, chibet na ryngkhi, wei da yoh bha u dait ya ka Shifali ha i bynta ka kti timun ko hadooh wa mih snaam wei da hap chah pooid ko.
Ka tre u ksaw da wan yarap ko deiwa sympat ya uni u ksaw da u dieñ tangwa ym pynlait u yei kti ka Shifali wei hadien da wan leh kiwi wow dat ya uni u ksaw yow pynlait u yeiwa dait kamjooh yow beh oo chapoh yung.
U Ankit da ong u wa da pyntip ya ki pulit heiwa da kyrpaad wow pynchitom ya ki tre u ksaw wa pynlait ya oo wow uiñ u.
U Mayor ka Patiala, u Kundan Gogia da ong u wa daw khang wow booh ya ki ksaw wa slah dait bru wei daw chong pyrkhat leh yeini iwa jia ha ka yalang ka Municipal Corporation.
Discussion about this post