Em iwi i metyap wa chem na krem mooyong wym em wa tipmit iwi won yong ka kynthai

Ka Single Member Committee wa khlieh da u B.P. Katakey (Rtd. Judge) wa thung da ka High Court ka Meghalaya heiyatoh wa ka PIL kawa da yaleh hajrong i tih mooyong pyrchah aiñ hapoh ka jylla, da wanrah ko ya ka 39^th Interim Report yow booddien yeiwa da leh ki chnat sorkar nadooh ki DC, ki SP wa ki bru ka Mining & Geology.

Neiliang ka chnat Mining da ong ko wa da pynkhreh ko ya ka State Action Plan yow khanglaad wei wow chem yei tih mooyong pyrchah aiñ kamjooh yei chalan tangwa da paan por ko ar tayaaw yow pynkrehkaam yeini.

Ha kani ka Report da klam leh heiyatoh wa ki metyap wa chem hapoh ki krem mooyong (Abandoned Coal Mine), heiwa u SP ka East Jaiñtia Hills District da pyntip u wa i metyap wa chem ha ka Case No. 01/2026 hapoh ka Saipung PS ym em ye wow tip uwa neiwon wei yei metyap da pyndep noh ki ha ka 29-05-26 deiwa riñ Video katkam ka hukum ka yung bichaar.

Ki nongmuna (Biological Sample) uni u bru wa da chim da phah ki cha Central Forensic Laboratory, Kamrup, Guwahati, Assam yow pynmih ya ka DNA Profile yow pynemkaam ki hawa emkaam.

Related posts

Da khut ya ki paidbah wow wan cha ka Lok Bhavan Shillong yow sakhi ya ki chaad ki rwai tynre na kylleiñ ka ri

August 13, 2026

Yoo chyrkhei chah dait ki chi kurim ha u Pitbull heipor wa lai thooh yung wai

August 13, 2026

Neidaw wym tipmit ya uni uwa yap ym ye leh wow su ya ka poisa yarap cha kiwa ha-yung ha-sem u.

Heiyatoh won wa i metyap wa chem hajan ka yung krehkaam warim u DC ha Khliehriat wa em UD Case No. 16/2026 hapoh ka Khliehriat PS, da pyntip wa da Register ka.

U SP da pyntip u wa i metyap wa chem toh i yong ka Kala Rai kawa man ka kurim u (L) Durba Rai wei ka takit dang lai ko chakhmat wei ym pu em leh su ya ka bai yarap cha kiwa emyatoh ko heiwa kani ka bru da suba wa haap ko chapoh kani ka krem mooyong.