Mynsoo ar ngut nei siat Pistol hapoh Airport ka India

Ar ngut kiwa kreh kam ki Screener da mynsoo ki ha Varanasi Airport ynne i step heipor wa uwi u bru wa lai luti wa ka kurim da ka Air India Express Flight IX-1810 cha Mumbai da siat bakla chi kuli na ka Pistol wa rah u, da ong u Varanasi Airport Director.

Ya uni u bru da tip kam u Kamlesh Rai na Azamgarh, Uttar Pradesh wei ka Pistol wa rah u toh kawa em ya ka All India License.

ADVERTISEMENT

Ini da jia i heipor 9:30 i step heiwa uni u bru dadep chwa u wow pyntip wa em u ya ka Pistol wei heipor wa pait wa sylli ya kani ka Pistol da ki bru ka CISF deilang kiwa kreh ka Airline da toh sait ya uwi u kuli uwa da em chwa hapoh ka ktang (Chamber) ka Pistol wei heini da mynsoo ar ngut kiwa kreh hadien wa uni u kuli da sied u na iwi i thaw cha iwi.

Kawa mynsoo da khana ko wa nyngkong da sai chwa ya u Magazine kani ka Pistol wei manda ksih yow siat da toh siat chi kuli uwa da em chwa hapoh i ktang ka Pistol hanla dadep sai ya u Magazine.

Related posts

Kamwa man ka Wah Myntdu kwah u Dr. Nonglait u chakri ya ki paidbah

October 22, 2026

Chah kem uwa klam beiñ wei leh khlem akor ya uwa na Tripura ha Delhi

October 22, 2026

U Director ka Airport da ong u wa ar ngut ki AAAI Cargo Logistics and Allied Services (AAICLAS) kiwa kreh kam ki Screener da mynsoo ki wei da kit ya ki cha New Laxmi Trauma Centre wow yoh yei sumaar.

Neiliang ki pulit dang takit ki yeini iwa jia.