Ki san tylli ki seiñbhalang wa kynthup ya ka JNC, JSU, KSU, HSYF wa FKJGP ynne i step da mih syndet ki wow pynman ya ka chong kyllaiñ myngngor hakhmat u mot u Kiang Nangbah wa em ha pchem ka yung krehkaam u DC ha Khliehriat.
Kani ka yakhih man ko kam chibynta wow pyrchah wei wow dawa pyndam pyndooh noh ya ka Public Hearing ka Shree Cement kawa dang dep pynman ha Daistong ha u bnai wa dep.
Ini i pynman khih syndet man ko leh kam chibynta wow dawa yei hok ki tre thaw kiwa chong chnong ka Sutnga wa ka Nongkhlieh Elaka neibhah kini em ki yei hok kam ki tre thaw ha Lum Syrman kawa man kam ka thaw wa thmu tih moochuni.
Da ong wa kat wym pu ye u pynbait yeini ymtoh u lai chakhmat ya iwon iwon.
Ha kani ka jooh ka yakhih da thang leh yei dur bula ki MLA ka thaaiñ, u Kyrmen Shylla wa ka Santa Mary Shylla deilang ki dur bula u Chief Minister, u Conrad Sangma wa ki Deputy Chief Minister, u Prestone Tynsong wa u Sniawbhalang Dhar.
Discussion about this post