U Chief Minister ka jylla, u Conrad K. Sangma da pynsñiaw u yei sñiawsih yeiwa yap ki bru na Meghalaya ynne i step hei iñ ka Hotel Bideshini Yatri Nibas hajan i Mandir ha Tarapith, Birbhum District ka West Bengal.
U Conrad da ong u wa ka jylla emlang ko wa ka yung u Rajendra Nath, ka Asha Nath wa u Buran Madak wa ki khon ki, u Shivraj Madak (10 snem) wa u Aushnath Madak (8 snem) kiwa na Dalu, West Garo Hills, kiwa da lai cha West Bengal wow mane Blai.
Ha i iñ i Hotel da ye wow pynlait im ya ki 6 ngut na West Garo Hills.
U Conrad da ong u wa ini i yap syndet ki bru na Meghalaya toh iwa ympoi pyrkhat wei iwa piah-nood wei da phah u leh ya ki kyntien sñiawlem cha ki yung ki sem.
Ka yung krehkaam u Additional Resident Commissioner ka Meghalaya House da krehlang ko wa ki bor District ka Birbhum wow tip yeiwa chah ktah kamjooh wow pynbiang yei sumaar ya kiwa mynsoo wei kamjooh wow wanrah ya kiwa da khlaad cha yung.
U CM da pynbna u leh ya ka song poisa wa mar Rs. 2 lak na ka sorkar jylla cha ki yung ki san ngut wa yap ha ini i diñ.
Puræ leh: Yap 5 ngut kiwa na Meghalaya hei iñ i Hotel ha West Bengal
Discussion about this post