Ujor FIR ka JNC pyrchah ya ka Facebook Page wa pynmih ya ka khubor thok pyrchah ya u President ka seiñ

Ynne ka sngi u President ka JNC-Western Zone, u Hamehi Bamon da pynche u wa ha ki sngi wa dadep da mih i Social Media Post ha ka Facebook Page wa tip kam ka Nongkyndong Daily heiwa da thoh wa kyrpaad u President ka JNC wow kyrchaan ya ka NPP ha ka Election MP khnang wow yoh yei roi i paar.

U Hamehi da ong u wa ya kini ki kyntien wa da thoh ha kani ka Page man iwa bakla wei iwa da yahbakla neibhah wa u President ka seiñ hi dei langær da maham u ya ki paidbah ka Ri-loom Khasi Jaiñtia wow syndong ki hawa wan ki bru na ka sorkar MDA-2 wow pynbiej da ki kaam pynroi.

Chooh chooh da ong u wa u President ka seiñ da maham u deiwa kdaw yei chah leh embor wei thombor ki paidbah ka thaaiñ katni.

Da ong u leh wa ka seiñ da sñiawsih ko wei dap ko dei chrai wa uwa pynlai ya kani ka Facebook Page da pynmih u ya ka Post wa mar dei kangtleiñ neiwa klam u President ka seiñ.

Related posts

Hadien 24 sngi i yakhih pyndam ka sorkar Jharkhand ya ki ar tylli ki Exam | Phah takit ya ki Exam nadooh u snem 2014

August 17, 2026

Pynbna u Conrad mar Rs. 2 lak cha ki yung ki 5 ngut kiwa na Meghalaya kiwa yap hei iñ i Hotel ha West Bengal

August 17, 2026

Kamtæ hajrong kini waroh ka seiñ da lai ujor ko ha Jowai Police Station pyrchah ya uwa pynlai ya kani ka Facebook Page, ka Nongkyndong Daily wa pynmih ya ka khubor thok kam kani.

Ka seiñ da klam che ko leh wa ym emyatoh ko wa kawon kawon ka seiñ saiñ hima (Party).

Heijooh i por da kyntu ko leh ya ki paidbah wym toh u ngait ya kam kini ki khubor thok.