Ka Kong Rebecca V. Suchiang kawa man kam ka kynthai jaitbru ri-loom kawa nyngkong wow man kam ka Chief Secretary ka Meghalaya, da khlaad noh ko ynne i step hadien wa ban i kjut i chitom ka la kattu katni por.
Ka Kong Rebecca V. Suchiang toh ka 1989 Batch IAS Officer ka Assam-Meghalaya Cadre wei da chimkti ko kam ka Chief Secretary ha ka 30 tarik u September 2021. Hadien wa chong ngiah da thung ya ka kam ka State Chief Information Commissioner (CIC) ka jylla ha ka 3 tarik u April 2025.
Neiliang u Montri Rangbah ka jylla, u Conrad K. Sangma da kynmoo u yei sap ka Kong Rebecca V. Suchiang kam kawa yahkhmat wow pynlai ya ki kor ka sorkar wei heipor wa man ko kam ka Chief Secretary da chim ko boon ki rai kiwa khor wei man ko leh kam kawa yahluti ya kitu kiwa krehlang wa ka.
Da ong u leh wa kiwa chong chnong ka jylla waroh kawi ym mylliñ de ki ka.
Discussion about this post