Hadien ka yakhih kawa da neh 24 sngi ha jylla Jharkhand kawa pynman da kiwa yaleh kreh deilang kiwa lai puræ ha Ranchi, ym yoh yohsa de ka sorkar wow pyndem deiwa mynjur yei dawa wow pyndam ya ka Jharkhand Public Service Commission (JPSC) wa ka Jharkhand Staff Selection Commission (JSCC).
Ka Jharkhand toh kawa synchaar da ka Congress heiwa u heh ka Congress, u Rahul Gandhi da thoh u cha u CM ka Jharkhand, u Hemant Soren wow ong wa ka Congress da yakhih ko pyrchah ha Delhi ya ka Paper Leak wei iwa jia ha Jharkhand leh toh iwa sariem wa yatoh wa ki Exam wa pynman da ka sorkar jylla heiwa kiwa yakhih toh kiwa dawa yei hok yong ki.
Kam wow kdaw heini wa kiwa yakhih da pynbaad ki wym em khooid i pynman Exam, da dawa ki leh wow takit da ka CBI.
Ka yakhih da sdang ko ha ka 25-07-26 heiwa da pynman ki lai paidbah, i kær kut ya ka yung Assembly ka sorkar deiwa pynbaad wa em ka Paper Leak, i wym che ki Cut-Off Marks, i em kiwa leh thoh deiwa pynkylla ya ki OMR Sheets wa kiwi de.
Ha kani ka yakhih, u Davendra Nath Mahto da pynman u leh ya ka chah thngan kawa khlem boh por.
Katwa lai ki sngi, ka sorkar da khut ko wow yaklam ya kiwa yakhih tangwa ym em poi cheiwon cheiwon.
Ka yakhih kat dang lai ki sngi dang joor ko heiwa ki pulit da pynemkaam ki da ki Water Cannons, ki Tear Gas wei dat lathi.
Kat u poi ka 10 tarik uni u bnai ka Jharkhand CID da kem ko ya u Chairman warim ka JPSC, u L. Khiangte deiwa suba emkti u wow leh thok.
Manda poi ynne, ka sorkar da rai ko wow pyndam noh ya ka JSCC-CGL wa ka TPDL Exam wei wow phah takit yeiwa pynman ya kani ka Exam nadooh u snem 2014 wa waroh ki Exam kiwa dang sah.
Hadien wa pynbna ka sorkar yeini, kiwa pynman yakhih da jooh umkhmat wa kmen ki.
Discussion about this post