Ki kari sorkar kiwa pynyieñ harood sarok ha kylleiñ ki bynta ka sor Shillong da chah kawang moo ki hadooh wa piah ki yit wei ini da jia i heipor wa lai Rally ka KSU da ki ar chaka deilang i seh lama rong yong hadien wa da kut i e por ya ka sorkar hajrong ki 5 tylli ki mat wa ka seiñ da dawa ko.
Kani ka Rally yong ka KSU da sdang ko na Jaïaw heipor 4:00 waje ynne i janmiet wei katwa dang lai kani ka Rally da yoo ya ki kari wa piah yit wa ki moo cha madan wei kiwa chah ktah toh nadooh ki kari kamai wa ki kari ki bru samen.
Katwa dang lai ka Rally cha kiwi ki bynta ha ka thaaiñ Rynjah RR Colony, da sakhi wa kiwa boon ki kari wa chah leh pynsih wei em leh i kawang moo joor wei ym em da ieh leh ya u Statue yong u Subhash Chandra Bose wa u Swami Vivekananda kiwa em ha RR Colony.
Ha ka thaiñ Polo da sakhi wa kawi ka kari wa em Number ka Assam da chah dung ko na yit khmat da ka Signboard No Parking.
Ha ki Video wa da poor bha kattæ, da yoo yei chah kynjat kawi ka kari Toyota Innova wei da em leh uwi uwa sngoh ka da ka No Parking Sign. Wei kani ka kari toh kawa piah lut ki yit na khmat wa na chrooh.
Ha thaaiñ Fire Brigade da yooh ya uwi uwa ku ha Bonet kawi ka kari yow kyrtem ya ka yit kari.
Najrong ini da em leh ki bru paidbah kiwa da chah dat da ki dieñ hadooh wa pat wa oor ki wei da em leh kawi ka Bus sorkar kawa dang em ki bru kawa da chah kawang moo.
Discussion about this post