Uwa yahkhmat ka Liang Pyrchah ha Khasi Hills Autonomous District Council (KHADC), u Titosstarwell Chyne da pynsñiaw u yei wym yoomiat wa ki paidbah ka Hima Langrin da wan toor ki chadooh ka District Council, wei neiliang ka Executive Committee da toh u pynbait ko yeini i kaam du hapyrdi kiwa yahkhmat ki arliang mamla.
Ini i klam u Titos toh hawa kylli hajrong i wan toor ki paidbah ki khon ki hajar ka Hima Langrin ynne ka sngi cha KHADC yow pyrchah yei thung ya u Syiem Nongtei Sing wei da dawa ki leh wa ka KHADC toh u pynman ko da ka Election jied syiem.
U Titos da ong u wa i mih yow toor paidbah cha ka KHADC daw ktah ko yei burom yong ka Council kawa da tip neibynta wow pynneh pynsah wei pynkhlan ya ka synchaar khadar wei kam kini kiyi kiyi daw wanrah i hiar dor wei ym em miat hakhmat kiwa boon walang.
U Titos uwa jooh man kam u CEM warim ka KHADC da e buit u ya ka Executive Committee wow pynche paidbah hajrong ki rai wa da chim wei wow pyndam yei wym hun deiwa ya pynbait waroh arliang.
Discussion about this post