Ka Khasi Students’ Union (KSU) ynne ka sngi da beiñ joor ko yei thombor ki pulit ha ka miet ka 19 tarik uni u bnai iwa da jia ha yung krehkaam ka seiñ wei khamtam wa ktah syndon ya ki paidbah wa chong chnong.
U President warim ka KSU, u Lambokstarwell Marngar da ong u wa ki bor ka aiñ da ye ki wow pyndep yei kaamram yong ki, tangwa hawa wan ki toh u pyntip lyngba ka chnong wa kiwa yahkhmat ka chnong ymtoh wow thombor hawa wan cha chnong bru.
Heiyatoh wa i chah kem ki 3 ngut kiwa yahkhmat ka KSU, da maham wa ka KSU ymtoh kawa em du 3 ngut kiwa yahkhmat wei i leh ka sorkar daw nang e diñ chooh chooh hajrong ki mat dawa.
U Lambok da ong u wa ki 5 tylli ki mat dawa toh kiwa ye ka sorkar wow leh neibhah ymtoh kiwa thymme.
Da maham chooh chooh wa kani ka yakhih daw pteiñ ko neini chakhmat, wei ye ki u kem ya kiwa yahkhmat ka seiñ tangwa toh u pynkrehkaam yeiwa dawa.
Hawa kynthah deiwa eh ya ka sorkar, u Lambok da ong u wa ka sorkar wa yahkhmat da ka NPP toh kawa da pynchong da ki paidbah, wei kamwa man kattæ da yoohbeiñ ko yei hok ki paidbah, deiwa pynrap wa ka chuki Chief Minister, Home Minister, MLA ymtoh kiwa daw neh bait neibhah ki paidbah em ki i bor wot uwa khian dooh leh daw poi i por u.
Discussion about this post