I yakhih ym em iwon iwon pyrchah ya kiwa na Assam | Sdang chem kse ka KSU ya kiwa chim kabu

U heh warim ka Khasi Student Union, u Lambokstarwell Marngar da pynsñiaw u wa ha Assam boonsien jooh pynthut ki ya ki kari na Meghalaya deiwa pynrap wa i yakhih wa katni ymtoh iwa pyrchah ya kiwa na Assam.

Da ong u wa i yakhih wa katni man bait i pyrchah ya ka sorkar jylla hajrong i suki ko wow ap ya ki mat dawa.

Heiyatoh wa iwa jia heipor wa lai rally ka KSU, u da ong u wa man i jia wym poi pyrkhat heiwa ki heh ka CEC da phah ko ya ki dkhot ka seiñ wow lai da ka luti wa jai jai wei i jia wa khian ye ki wow jia wei ymye u kiar neini neibhah em bait ki bru wow chim kabu.

Related posts

Wa da kot u yaichah ya kiwa yahkhmat ka UDP ki wym kheiñkor ya u MLA, lai bood ki dkhot ka UDP 4-Mowkiaw ya u Nujorki cha ka NPP

October 25, 2026

Takit ki pulit yeiwa em wa leh Black Magic yei dur u Modi hajan ka thaw thang-bru

October 25, 2026

U Lambokstarwell da ong u wa kamwa dadep pynche kiwa yahkhmat ka CEC wa ka KSU hi ym em bynta ko ha ini i jia wei neiliang ka seiñ daw syllok ko wow thooh ya ki daw wa tynre heiwa kam ka seiñ da sdang chem kse ko ya kiwa chim kabu.

Chooh chooh da kdaw u yeiwa jia ha u snem 2013 heiwa ki dkhot ka KSU da chah pynbaad ki wa thang ya ki chaka kari khamtam i jia ha Nongmensong, tangwa iyi won iwa jia toh wa ki pulit yoh ki wow kem ya ki ar ngut ki baar jylla wa leh yeini.