Dei lai thooh lai daiñ ya ki Dieñkhlam ha ka sngi wa ar ka Behdieñkhlam ka Seiñ Raij Mukhla

Ka Behdieñkhlam 2026 ka Seiñ Raij Mukhla ynne ka sngi Mulong dapoi ko cha ka sngi wa ar heiwa ki khon chynrang ka chnong Mukhla Nongrim da mih ki dang step yow lai cha khloo yow li daiñ ya ki ar tylli ki Dieñkhlam.

Heipor 10:30 won ki khon ki hajar ka Seiñ Raij Mukhla da ya mih paidbah ki wei da lai li rah ki ya ki Dieñkhlam hapoh i yahkhmat u Pa Langdoh chirup wa ki Waheh Sankur Sankmai, u Maji, u Chutia wa u Sangot, kamtæ hadien wa da wanrah da booh uwi u Dieñkhlam ha Madan Tihkhyndaw ha ka Dong Wahchnong, katwa ya uwi won u Dieñkhlam heh da booh ya oo ha Madan Ryngkaw ha Slot Masi.

Heipor 3:00 waje noh chariñ ka sngi da chong Dorbar Niam biang ha Madan Ryngkaw ha Slot Masi, Mukhla Nongrim wei ha kani ka dorbar da yaklam ya ki kaam heiyatoh wow jied ya kiwa tih thlu yow pynyieñ ya ki 3 tylli ki Dieñkhlam wei kamjooh yow jied leh ya kiwa chna ya ki Chna Toh yow yoh u pynyieñ Dieñkhlam.

Hachwa wow jied ya kini da yoh ya i kyntien e yumut wei sneiñ na u Pa Langdoh chirup deilang wa u Sangot, u Maji, u Chutia wa ki Waheh Sankur Sankmai na ka Kur Suna, Lyngdoh, Shylla, Sari, War wei da yaklam leh ya ki kaam kiwa yatoh wa ki kaam ha ka sngi Musiang kawa man ka sngi wa le yong ka Lehniam Behdieñkhlam ka Seiñ Raij Mukhla.

Related posts

Deiwa pynman Dorbar Niam sdang ka sngi nyngkong ka Lehniam Behdieñkhlam ka Seiñ Raij Mukhla 2026

August 23, 2026

Deiwa yoh chiboon iwa chna thymme ha Aitnar pynkut ya ka Ialong Behdieñkhlam 2026 deiwa phooh wa phieñ

August 10, 2026

Mynstep heipor 10:00 waje i step daw yachem ka bom wa ki bhuri ryngkat wa ki khon khynroo khyllood, ki Waheh Wasian ha Slot Masi yow ya lai yachemlang na waroh ki khon ka Seiñ Raij Mukhla na ki soo chnong.

Heipor 11:00 waje i step won ha madan Ei Yadaw Rong daw yachem yow lai chaad sngi chirup wei yow lai li rah ya u Dieñkhlam yong ka chnong Mukhla Umlangshor ha ryngkat ka chaad ka rwai wa ka bom ka bhuri.

Hadien wa dapoi lut ki Dieñkhlam ha madan Ryngkaw mynstep; heipor 3:00 waje noh chariñ ka sngi daw pynyieñ ya ki le tylli ki Dieñkhlam uwi ha Tih Khyndaw kawa man ka Tre Blai da u Dieñ Chyrngan, katwa ya ki ar tylli kiwi won ha madan Ryngkaw wei lada em kiwi leh hoi i iwa chong ha ki jait dieñ wa yoh kiwa daiñ u pam na khloo tangwa hap daiñ ki da u dieñ wa eh ymtoh da u dieñ jem.