Ka Garo Hills Tourist Taxi Drivers Association (GHTTDA) da rai ko wow sangeh u kamai na Tura cha Guwahati neibynta ar sngi hadien wa chah dat moo ka kari ha Bijoynagar.
Ka seiñ da ong ko wa kawi ka kari kamai da chah dat moo ko ha ka 23 tarik uni u bnai ha ki damok wa wan da ka thuk-thuk wei da rai wow sangeh u kamai ha ka 25 wa 26 tarik hadien ka yalang wa man ha ka 24 tarik.
Ini i sangeh kamai toh wow pynsñiaw yei sñiawkhia yei chngaaiñ kiwa yah kari kamjooh kiwa chong hapoh.
Ka seiñ da e dorkhat ko leh ynne ha u SP ka West Garo Hills wow pynjoor ya ki bor yada ha luti Tura-Guwahati kamjooh wow em ki Emergency Helpline næ ki thaw e yarap ha kani ka luti.
Kani ka luti Tura-Guwahati man ko kawa emkaam bha ya ki paidbah ka Garo Hills, khamtam ya kiwa lai thooh dawai cha Assam, kiwa lai puræ wa kiwa lai cha Airport.
Discussion about this post