Ka 2nd Division ka Thadlaskein Sports Association (TSA) kawa tip leh kam ka (L) Joybell Suiam Memorial Football League 2026 da pteiñ ka ynne ka sngi da ar tylli ki yalehke.
Ha ka yalehke wa nyngkong, ka Laru SC da pynrem ko ya ka Maya SC Wahiajer da 4-1 lyngba ki kool wa thap u Army Tamu haka minit wa 2 wa 56, u Lumlang Mukhim haka minit wa 25 wa u Raplang Dkhar haka minit wa 39, katwa ya ka chi kool ka Maya SC Wahiajer da thap da u Bunki Lyngdoh haka minit wa 21.
Ha ka yalehke wa ar, ka Shiparalok FC Umladang da pynrem ko yaka Tympang SC Wahiajer da 2-0 lyngba ki kool wa thap u Shanbor Iawai haka minit wa 2 wa u Teilang Ryngkhlem haka minit wa 58.
Ka yalehke hapyrdi ka RC Dreaming Mupliang wa ka Mukhla Nongrim da pyndam ka ynne wei da rah tarik neidaw wa em ka Behdieñkhlam ka Seiñ Raij Mukhla.
Ki yalehke mynstep:
Niriang SC Vrs Unity SC Phlongingkhaw (10AM)
Tympang Club Iongshiwiat Vrs Momer SC (12PM)
Hunlang FC Lumkynter Vrs Modop SC (2PM)
Discussion about this post