Ka seiñ Jaiñtia Revolutionary Council (JRC) ha ka 27 tarik uni u bnai da lai booh ko dei thoh ha u Superintendent of Police ka West Jaiñtia Hills District hei yahkhmat u Vice President, u Owan Paswet heiyatoh wa ki kari kit masi pyrchah aiñ deiwa chalan cha Bangladesh kiwa wan na Assam.
Kini ki kari da psiah ki cha Meghalaya na ka thaiñ Mukroh-Barato wei da lai ki lyngba ka thaaiñ Khanduli-Nartiang chadooh Dawki yow poi cha Bangladesh.
Ka seiñ da yoh ko u yachem wa ka Additional SP kawa da kular wow chimkhia yeini i kaam yow pyndooh pyndam noh yei chalan masi cha Bangladesh.
Neiliang ka seiñ da ong ko wa kini ki masi toh ki wym biang ki kot ki sla na ki Doctor Veterinary wei da man i iwa maa wa ye ki wow wanrah yei kjut khlam ya kiwi de ki jait mrad wa ri wa em hapoh ka jylla.
Discussion about this post