Ynnin ka sngi le ngut ki chipai Border Security Force (BSF) ha Ashabari hapoh Kalamchoura Police Station ka jylla Tripura da mynsoo ki hadien wa chah bom chah dat ha ki paidbah katwa dang lai luti ki na kani ka chnong.
Ya ki chipai wa mynsoo da tip kam u Company Commander Rohit, uwa yah kari u Sunil Kumar wa u Manjit kiwa na ka 49th Battalion.
Kini ki chipai da wan ki da ka kari wa em Number TR-01-AL-1051 na Rahimpur cha Boxanagar heipor wa chah ksoh ki ha ki paidbah kiwa da sai ya ki napoh kari.
Ya ki chipai da kit noh cha Boxanagar Hospital wei neitæ won cha Tripura Medical College, Agartala.
Ki pulit ka Kalamchoura Police Station wa na Ashabari BSF Border Outpost da poi ki ha i thaw wow pynjaijai ya ki paidbah.
Ki paidbah da pynbaad ki wa ki BSF da ksoh wei dat ki ya u khynroo ha Ashabari Gram Panchayat wa em ha khappood Bangladesh.
Ya uni u khynroo da tip kam u Hefzur Rahman, wei da chah ksoh u heipor 10:00 waje i step hajan khappood wa ka Bangladesh dei suba wa emkti u ha ki kaam khayi mar pyrchah aiñ.
Hadien ini ki paidbah da khang ki ya u sarok Ashabari-Rahimpur hajan Natun Bazar wow dawa pynchitom ya ki chipai BSF wa emkti wow ksoh wei dat ya u Hefzur.
Ha i Video wa da poor bha yong ini wa jia da yoo ya uwi u chipai BSF uwa da chah dat da u dieñ ha ki chynrang wa kawi ka kynthai heiwa uwi na ki chynrang da knieh u leh ya u suloi u BSF da yoo leh ya ki paidbah kiwa da leh pynsih leh ya ka kari ki BSF deiwa dat ka da ki dieñ.
Neiliang ki pulit wa ki BSF dang takit ki yeiwa jia waroh.
Discussion about this post