Ha i step synyaaw ka 27 tarik uni u bnai heipor kamwa 2:10, da tip tikna ki pulit yei em ki soo ngut ki bru kiwa na Assam kiwa daw pyrchang dai ya le tylli ki thuk-thuk ha thaaiñ Weiloi, East Khasi Hills heiwa kini ki thuk-thuk toh kiwa chah tooh.
Kamtæ ki pulit ka Mawsynram Police Station da lai ki cha kani ka thaw yow yang khap ya kini ki bru. Hadien kattu katni por da wan soo ngut ki bru deilang ki le tylli ki thuk-thuk. Tangwa mar ya yoo ki wa em ki pulit, kini bru da yut ki chapoh khloo.
Deiwa yarap kiwa chong chnong, ki pulit da yoh ki wow kem ya 3 ngut katwa uwi na ki da yoh u wow yut wei ym chem oo katwa thooh leh.
Kini ki le tylli ki thuk-thuk toh ka Yamaha R15 (AS-01-FV-4193), ka Royal Enfield Hunter 350 (AS-25-Z-1346) wa ka Yamaha R15 (AS-27-F-1263) wei waroh le tylli toh kiwa da chah khloh ki thaw thap chabi iwa da pynyoo wa kini ki thuk-thuk toh kiwa chah tooh.
Ya kini ki le ngut deilang ki thuk-thuk da rah cha Mawsynram Police Station wei i pyrtuid ki toh u Nipu Das (25 snem), u Karan Sundi (22 snem) wa u Babu Basumatary (26 snem) kiwa waroh na Tamulpur, Assam.
Ki pulit dang yaleh ki wow chemdien ya ki tre kini ki thuk-thuk deilang kiwa emkti wow tooh ki.
Discussion about this post