Ka 3rd Division 2026 ka East Jaintia Hills District Football Association (EJHDFA) da pteiñ ki yalehke ka Round of 16 ynne ka sngi da ar tylli ki yalehke.
Ha ka yalehke wa nyngkong, ka Dongumsngad SC Byndihati da rem ko da 1-0 ha ka Youth SC Pyrtakuna da ka kool wa thap u Michael Massar ha ka minit wa 50.
Ha ka yalehke wa ar, ka Rymbai Pohskur SC da jop ko da 3-1 ya ka Musniang Rim SC.
Ya ka Rymbai Pohskur da thap da u Deilang Dkhar ha ka minit wa 20, u Sanhame Bareh ha ka minit wa 59 wa u Rivaldo Lyngdoh wa 73 katwa ya ka Musniang Rim da thap da u Lamphrang Dkhar ha ka minit wa 18.
Da ini i jop, ka Youth SC Pyrtakuna wa ka Rymbai Pohskur SC da yoh ki u psiah Quarter Final.
Discussion about this post