Ki soo ngut kiwa chah siat yap ha ki pulit ka East Garo Hills toh kiwa dang mut wow lai rahbor ya u heh ka NHIDCL

Heiyatoh wa iwa jia ynne i step ha Songsak, East Garo Hills heiwa ki pulit da siat yap ki ya soo ngut ki bru, da pyntip wa kini ki bru toh kiwa mut wow lai rahbor ya uwi u heh ka National Highways & Infrastructure Development Corporation Limited (NHIDCL) yow dawa poisa.

Kamtæ ki pulit hadien wa tip ki yei thmu kini ki bru, da lai ki wow pynsangeh kari deiwa emlang ki pulit ka Anti-Terror Squad (ATS) deilang ki pulit ka East Garo Hills wa ki pulit ka Songsak Police Station.

I thaw wa da booh yow pynsangeh kari toh hapoh ka Songsak Reserve ha u sarok Dagal-Songsak wei heipor kamwa 4:00 waje ynne i step da wan kawi ka kari Bolero wa em Number AS-01FD-2889 kawa da wan cheiliang Songsak heiwa da kaweh yow pynsangeh ka tangwa kiwa em hapoh da sdang pathan ki wow siat, kamtæ ki pulit leh wow yada da siat kylla ki heiwa i yasiat da neh i du chibet donhi wei ka kari pulit leh da toh kuli ko.

Manda sangeh i yasiat, da chem wa em 4 ngut ki bru kiwa mynsoo hapoh wei da kit ki cha Songsak PHC wei hadien won cha Williamnagar Civil Hospital tangwa kat u poi cha thaw sumaar da khlaad noh ki waroh.

Kini kiwa yap toh uwa tip kam u Allason Marak uwa na Mendima, North Garo Hills uwa man leh uwi na kiwa suba emkti hei siat yap ya uwi u heh spah ha Damra.

Kiwi ki le ngut toh kiwa na Goalpara, Assam kiwa tip kam u Sustom Rabhah uwa da em ki Case ha kiwa boon ki thaw ka Assam wa Meghalaya kam ha Dudhnoi, Mendipathar wa Dadenggre Police Staton kiwa kynthup nadooh ki kaam lute bru wei rahbor bru.

Uwi won toh uwa tip kam u Kalam Ali uwa da em Case hapoh ka Krishnai PS uwa da leh ya ki kaam dat bru, dawa poisa wei rahbor ya ki bru.

Related posts

Chah tooh i ksiar wa ka poisa na iwi i yung ha Shillong | Yoh lut ka CCTV u riñ

August 30, 2026

Chah beiñ wei chah yaroh u pulit uwa rah ya kawa mynsoo ha kti khlem da pynemkaam da ka kari wa bood nadien

August 30, 2026

Uwa khaddooh toh uwa tip kam u Bobidul Islam.

Na kini ki 4 ngut da yoh 2 tylli ki Pistol deilang ki kuli heiwa kawi ka Pistol toh kawa em yei dak wa thoh “Beretta” katwa kawi ym chynna de ki dak wa thoh ha ka.

Ka takit dang lai ko chakhmat wei da kyntu ya ki paidbah wym toh u ngait ki ya ki khubor thok lane wow pynpoor leh ki khubor thok.

I pyntip na u SP ka East Garo Hills, u Pawar Swapnil Vsantrao.