Ka Bristy Mukherjee kawa man kam ka pyrsa ka Mamata Banerjee, ka CM warim ka West Bengal, da chem yei metyap ko ynne na yung wa sah ko ha Birbhum District ka West Bengal.
Ka Bristy toh kawa em 28 snem i rta wei da chem yei metyap ko na ka kamra wa em ha ka mala wa ar i yung ki iwa em ha chnong Kusumba ha ka thaaiñ Rampurhat. Ki pulit da suba ki wa da pynkut ko yei mynsien tangwa ym pu nood u ong deiwa tikna kat wym pu pyndep ya ka Post-Mortem.
Katkam wa ong ka yung ka sem wa ka Bristy toh kawa chitom nei Depression da kattu katni snem wei man ko leh kawa dang dih dawai.
Ka Bristy man ko kawi na kiwa da dooh yei kreh kam ka Non-Teaching Staff ka Bolpur Upper Primary Schooh ha u March 2023 hadien wa pynmih hukum ka Supreme Court yow pyndam yei thung kreh hadien wa em wa yaleh mutkoduma deiwa pynbaad wa em i pynbaam tangka yow yoh kreh heiwa da em awjan 26,000 ngut kiwa kynthup ya kiwa sikai wa kiwi kreh ha ki skur kiwa da dooh noh yei kreh ki.
Da pyntip wa ha ini i por ka Bristy da hap ko wow maad leh yei chah yaleh pynlait kurim.
U pa ko toh u Nihar Mukherjee uwa jooh man leh kam uwa yahkhmat ka Trinamool Congress ha kani ka thaaiñ.
Discussion about this post