U MP ka Congress na Tura, u Saleng A Sangma da ong u wa ka rukom leh yong ka NPP ya ki bru yong ka hi pynyoo i wa em i dooh kyrmen iwa da pynman ya ka wow taan wei khwe lut ya ki MLA wa MDC na ka jooh ka sorkar yong ki seiñ wa krehlang weiwa pynrap u deiwa ong wa ini pynyoo i wa em i wym biang hapoh yong ka.
Hawa boh yei yoh chuki Minister u Paul Lyngdoh mar psiah cha ka NPP, da ong u wa yoo phylla bha wei wyrai ya kiwi ki MLA kiwa psiah cha ka NPP, kiwa kynthup 4 ngut na ka Congress wa 2 ngut na ka PDF ki wym pu yoh ya ka bhah chuki tangwa uwa dang psiah wot da yoh wot u.
Uni u heh ka Congress da ong u wa ini ymtoh wa sñiaw u tangwa i wow sñiawthooh nei rukom leh ka NPP neibhah wa pyrchang ko wow taan lut ya ki MLA kiwa em ha ka sorkar.
Discussion about this post