Ka 7-A-Side Football Tournament 2026 ka Tympang Club da sdang ko ynnin ka sngi kawa man kam chibynta i lehkmen dap 125 snem ka Club heiwa da em 35 tylli ki Team wa chimbynta kawa pynlai da ka Tympang Club Jowai-Sports & Youth Affairs Committee kawa da e pyrtuid Quasquicentennial Trophy Football Tournament 2026.
Ha ka yalehke sdang da pynman hapyrdi ka Tympang Club wa ka Chilok FC heiwa ka Tympang Club da jop ko deiwa yachut Tie-Breaker wei ka yalehke da man ko kawa yoosuk bha hanla pynthut u slap leh.
Ha ka kylla step, ka Chilok da yoh ko wow thap nyngkong katwa ka Tympang Club da ye ko wow su kylliang ha ka kylla miet iwa da pynman ya ka yalehke wow poi cha ka yachut Tie-Breaker.
Hachwa u sdang ka yalehke da em ka yalang wai pyrda ya kani ka Tournament heiwa u Awhai Andrew Shullai, MDC ka Jowai Central da man u kam u kongsan katwa u Teiborlang Hing da man u kam u symbood kongsan ha ka yalang wa pynlai da u Heisar Laloo, Chairman ka Sport Committee ka Tympang Club.
Neiliang u Andrew kam u kongsan hawa e yei klam da dap u dei kmen hawa yoh u wow ya embynta ha ka lehkmen dap 125 snem ka Tympang Club, wei heijooh i por da kyntu u ya kiwa yalehke wow kreh chitom ki wei wow minot wow pynpliah yei sap khnang yow poi chei thong jop.
Da ong u leh wa dei stat wei chemphang yong phi ha kawon kawon ka Sport katni i por ym man de ki kawa leh kyndeh donhi neibhah em boon ki laad ki luti yow nang ku chakhmat ymtoh de kam ki por nachwa.
Discussion about this post